2009-mi saattuarniarniarnissamut pisassiissutit aalajangersarneqarput

Taakkunannga 500 tonsit isumaqatigiissutit najoqqutaralugit, avataasiutinut EU-meersunut pisassiissutigineqarput.
Allattoq Elisa Isaksen
decembarip 20-at 2008 18:09

Taakkua saniatigut kalaallit saattuarniartuinut avataasiortunut 1.430 tonsinik pisassiisoqarpoq.

EU-mut pisassiissutit 12 sømilinut killeqarfiup avataani pisarineqassapput. Aamma sinerissamut qanittumi pisassiissutigineqartut kiisalu avataasiortunut pisassiissutigineqartut immikkut nalunaarsorneqassapput. Sumiiffinni killilersuiffiunngitsuni aamma pisassiiffiusuni pisarineqartut immikkut nalunaarsorneqassapput.

Tamatuma saniatigut sumiiffinni assigiinngitsuni arfinilinni assigiinngitsunik pisassiisoqassaaq.

2007-imi aalajangiunneqarpoq, aalisartut pisasseeriaatsini marluusuni pisassinneqarsinnaassasut, kiisalu aalisartunut saattuarniarnermik aallartitserusuttunut nutaanik pisassiisoqassasoq. Periarfissarlu tamanna ingerlatiinnarneqassasoq Sermitsiaq allaaserinnippoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq