2008 ukioq ajunaarfiunerpaaq

2008-mi pinngortitami ajunaarnersuit pissutigalugit inuit 220.000-it ajunaarput. Taamaalilluni 2008 tassaalerpoq ukioq ajunnaarfiunerpaaq, aviisimi Ekstra Bladimi taama allaaserinnittoqarpoq.
Allattoq Louise M. Kleemann
decembarip 30-at 2008 08:51

Nunarsuatsinni sillimmasiisarfiit annersaasa tullianit Munich Re-mit oqaatigineqarpoq, naak pinngortitami ajunaarnersuit ukiormanna 2007-imut naleqqiullugit ikinnerugaluarlutik inuit inuunerannik annaasaqarfiunerullutillu aningaasatigut akisunerusimaqisut.

Sillimmasiisarfik isumaqarpoq, pinngortitami ajunaarnersuit aseruisarnerujussuat piffissami sivisuumi pileriartuaarsimasoq.

- Silap pissusaata allanngoriartornera qularnanngitsumik silap sakkortunerusumik periartalerneranut taamalu pinngortitami ajunaarnersuaqartarnerata akulikinnerulerneranik ilaatigut pissuteqarpoq, Torsten Jeworrek sillimmasiisarfimmi Munich Re-mi siulersuisuini ilaasortaasoq oqarpoq.

Anorersuaq kaavittuliortoq Nargis siorna maajimi Myanmarimi ulluni marlunni atuuttoq, 2008-mi ajunaarfiunerpaavoq. Tassami inuit 135.000-init amerlanerusut ajunaarput millionillu sinneqartut angerlarsimaffeerullutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq