2008 Tele Greenlandimut sinneqartoorfiuvoq

Tele Greenlandip ukioq 2008 anigorpaa akileraarutit suli ilanngaatiginagit suliffeqarfissuaq tamarmi 105 millioni koruuningajalluinnarnik sinneqartoorluni.
apriilip 23-at 2009 08:37

Ukiumut siulianut naleqqiullugu sinneqartoorutit appariarput, Tele Greenlandilu naapertorlugu imaatigut kabelimut aningaasaliisimaneq tamatumunnga pissutaavoq.

Taamaakkaluartoq Tele Greenlandip pisortaanera, Brian Buus Pedersen, naammagisimaarinnippoq.

- Ukiuni kingullerni annertuumik aningaasaliinitta kingunerisaanik, ernianut ingerlatsinermullu aningaasartuutit nutaat akilersornissaanut, 2009-mi aningaasaqarnikkut ingerlalluarnissaq pingaaruteqarluinnarpoq, imaatigut kabelimut, "Greenland Connect"-imut 3/4 milliardi koruuninik aningaasaliisimanitta minnerunngitsumik kingunerisaanik, Brian Buus Pedersen oqarpoq.

Tamatuma saniatigut sullitaminnut inuussutissarsiummik ingerlatalinnut qarasaasiatigut internetikkullu atuinermi akinik appaanissap ukioq manna juulip ulluisa aallaqqaataanni atuutilernissaa Tele-p Namminersornerullutik Oqartussanut qinnuteqaatigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq