20-nik ukiulik pinngitsaalisaasimanerarpoq
Niviarsiaq nassuiaavoq, angutip pinngtsaalilluni arneriffigisimagaani. Politiit pisimasumik misissuiartorlutik angallatiminnik Aasianniit Niaqornaarsunnukarput, angullu 50-t missaannik ukiulik Aasiannukaappaat tassani aqaguani januaarip 29-ani Aasiaat Eqqartuussivianut sassartitaavoq, sapaatip-akunnerinilu sisamani, suliap misissorneqarnerani tigummigallagassanngortinneqarluni.
- Angut aallaqqaammut misiarnikuugami, eqqartuussivimmili nassuerluni niviarsiaq piumammat atoqatigisimallugu. Pisorlu uppernarsaruminaassaaq. Arnaq oqartoq pinngitsaaliinerusoq angullu oqartoq piumassutsimik pisoq, Aqqaluk Petersen Aasianni Politiinit KNR-imut oqarpoq.
Angutip Aasiaat Eqqartuussiviata 25-iata tungaanut tigummigallarneqarnissaminik aalajangigaa, Nunatta Eqqartuussivianut ingerlateqqimmagu, Nunatta Eqqartuussivia aalajangiivoq angut februaarip qulingata tungaanut tigummigallarneqassasoq.