2 milliardit malinnaanissaat ilimagineqarpoq

Ullumi ulloq apriilip 29-at Londonimi persuarsiorfiuvoq, tusagassiuutitigummi malinnaavigineqarsinnaasut immaqa annersaat ullumi pissaaq, prins William aamma Kate Middleton ullumi katimmata.
Allattoq Mads Lynge
apriilip 29-at 2011 06:03

Inuit 2 milliardit sinnerlugit malinnaanissaat ilimagineqarpoq. OL-ertoqartarnerit isikkamillu arsaalluni nunarsuarmi pissartanngorniunnerit malinnaavigineqartarnerat taamaasillutik qaangerneqassangatinneqarput.

Isiginnaarutikkut malinnaasut 2 milliardit saniatigut nittartakkatigut aamma malinnaasorpassuaqarnissaa ilimagineqarpoq, inuit 400 millionit missaat YouTube, Google aamma Yahoo atorlugit malinnaassangatinneqaramik.

KNR TV-kkut nalunaaqutaq 8.30-miit  DR-ip toqqaannartumik aallakaatitsinera isiginnaarneqarsinnaassaaq, qaaqqusat takkussuunneranniit katinneq ilanngullugu, katittullu nalliuttorsiutigalugit nerersuartoqarnissaata tungaanut malinnaasoqarsinnaassammat.

Toqqaannartumik aallakaatitsineq ualiartoq aatsaat naassangatinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq