1940-kkunni inuuneq saqqummersinneqarpoq

Nunatta katersugaasivia Nuummiittoq ullumi inugasaaq, tassa sorsunnersuit aappaata nalaani nunatsinni inuuneq taamanilu atuagassarititaasimasut oqaluttuassartaalu saqqummersinneqarput. Saqqummersitsinermik aaqqissueqataasoq Jens Heinrich, kulturimik oqaluttuarisaanermillu ilisimatusarsimasoq oqaluttuarpoq saqqummersitsinissaminnut ukioq ataaseq atorsimagitsik. Atortut paasissutissat pigisallu 1940-kunneersut nunatsinni sumiiffinnit arlaqartunit katersoqqaarsimavaat:

- Danmarki sorsunnersuup nalaani tyskinit tiguarneqarmat nunarput arlalitsigut nammineertariaqalersimavoq, qallunaamerngit atortussallu amerlanersaat Amerikamit taamani piniarneqartariaqarsimapput, amerikamiullu sorsunnersuit aappaata nalaani nunatsinnut sunniuteqarnerat nunatta manna tikillugu ineriartorneranut sunniuteqanngitsuunngilaq, Jens Heinrich oqarpoq. Saqqummersitanullumi ilaapput 1940-kkunni atortut amerikamit tikisitaasarsimasut, ilaatigullu misigisat alutornartut atuagassiannguarlugit assitalersorlugillu iikkanut nivinngaatiterneqarsimapput. Tamakku ilaanni assitalerluguoqaluttuarineqarpoq, amerikami 1940-kkunni filmiliaritittartut tusaamasarsuit ilaata Marlene Dietrichip skuua gulti. Sunaaffa sorsunnersuup nalaani taanna nunatsinni amerikamiut Narsarsuarmi sakkutooqarfianut tusarnaartitsiartorsimavoq, taqqavaniinnermini skuumi gultiusut aappaa katassimavaa, nanniveerullugulu, ukiut 50-it qaangiutinnguariallartut skooq taanna Narsarsuarmi eqqaavimmi nunamit nuisalaartoq nassaarineqarsimavoq, kingornalu aamma nanniveeruteqqilluni. 1940-kkuni pisimasorpaalussuit sineriammeersut oqaluttuarineqarsimanerinut ilaapputtaaq nunatsinni radioaviisi aqqutigalugu nalunaarutaasarsimasut.

Nunatta katersugaasiviani nunatsinni 1940-kkunni inuuneq pillugu saqqummersitat juunip 12-iata tungaanut takuniarneqarsinnaassapput. Tamatuma kingorna saqqummersitat nunatsinni illoqarfinnut allanut arfinilinnut aamma angalaartinneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat