19-inik ukiulik toqutsisimasutut unnerluutigineqarpoq
Angut inuusuttoq 19-inik ukiulik, 29-nik ukiulimmik Louise Hegelundimik, Sisimiuni kollegiami najugaqarfiani qaammatit sisamat matuma siorna toqutsisimasutut, maanna unnerluutigineqarpoq.
juunip 13-at 2007 17:27
Angut matoqqasumik ulloqeqqata siorna killisiorneqarpoq, sapaatip-akunnerinilu sisamani tigummigallagassanngortinneqarluni, Sermitsiaq nittartakkamini taama allappoq.
Misissueqqissaarnissaq pissutigalugu killisiuineq matoqqasumik pisimasoq, politimesterip tullersortaata, Morten Nielsenip, uppernarsarpaa.
