19-inik ukiulik politiinut nakuusertoq
Tallimanngornerup arfininngornerullu unnuaani, 19-inik ukiulik politiinut nakuusersimasutut Nuummi tigusarineqarpoq.
Allattoq Elisa Isaksen
19-inik ukiulik, tallimanngornerup unnuaani illoqarfiup qeqqani qunusaarisutut pissusilersormat, politiinit maluginiarneqarpoq. Taanna aamma politiinut qunusaarisutut pissusilersorpoq, politeeqarfiliaanneqarnermili kingorna eqqissiimimmat politiinit angerlaanneqarpoq.
Angerlaanneqaramili paatsiveeruteqqippoq kamarujussuaramilu politiip aappaa saassullugu. Taamaaliornera pissutigalugu atorfilimmut sulisumut nakuusersimasutut unnerluutigineqarpoq.
Nuummi politiit aamma nalunaarput, sapaatip akunnerata naanerani, nipilersortorpassuaqarnerani, julefrokostertoqarnerani akissarsisoqarneranilu ulapputissaqarsimaqalutik.