19-inik ukiulik Kalaaleq fornitertartoq ajugaaniutivinnermi ajugaaguni millionerinngorsinnaasoq

Jacob Aqissiaq Møller USA-mi Fort Washingtonimi unammeqatinilu pingasut ilagalugit E.sportimi ajugaaniutivinnermi sukataassamaartut.
Inuusuttut sisamat Nuummeersut, Jacob Aqissiaq Møller, Inunnguaq Holm, Malik Biilmann aamma Marcus Steenholdt USA-mi fortnitemik unammiartut. Assi © : Lone Nukaaraq Møller
Allattoq Jens Betak, Marie Kûitse Kristensen
decembarip 08-at 2019 13:35

Kalaaleq 19-inik ukiulik Jakob Aqissiaq Møller USA-mi fortnitemi unammeqatinilu arfininngornermi ajugaaniutivinnermut anngupput. Taakku ullumi sapaassuup aappaanni nalunaaqutaq tallimanut ajugaaniutivinnerat aallartissaaq.

Jakob Aqissiaq Møllerip unammeqatinilu holdit allat 23-it unammissavai, ajugaasullu 1,3 millionit koruuninik akissarsitinneqassallutik.

AAMMA ATUARUK Nukappissat Nuummeersut: USA-mi Fortnitemik iluatsitsilluartut

Unammissutissaanni fortnitemi inuit 100- llutik qeqertami aallaasilisarlutik allanillu sakkoqarlutik unammissapput. Unamminermi annattut ajugaaniutivinnermi ajugaassapput.

Jakob Aqissiaq Møllerip ikinngutaa aamma nunatsinneersoq Marcus Steenholdt holdini allani ilaalluni unammeqataavoq, taakkuli ajugaaniutivinnissamulli anngutinngitsoorput.

Ajugaaniutivinneq nunatta nalunaaqutaa malillugu tallimanut aallartipput. Unamminermi arfinileriarlutik unammissaput maannalu siulleq naammasseqammerpaat. Jacob unammeqatinilu holdini 24-iusunik 11-tut inissakkallarput.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq