WWF 180 mio. koruunit aallartissutigalugit ajunngilaq
Amerikamiut sakkutooqarfigisimasaanni saliinissamut ukiuni tulliuttuni arfinilinni ukiumut 30 millionit koruunit Danmarkip aningaasaliissutigisassagai, naalakkersuisut siulittaasuata danskillu avatangiisinut inuussutissanullu ministeriata sisamanngornermi atsioqatigiissutigaat.
AAMMA ATUARUK Eqqakkat nunatsinniit anninneqassapput
Tamannalu pinngortitaq pillugu nunarsuaq tamakkerlugu suliniaqatigiiffiup, WWF-ip, nuannaarutigaa:
- Suliniut, ukiorpassuanngortuni utaqqisarput, pitsaalluinnartuusoraarput, Kaare Winther Hansen oqarpoq.
Sakkutooqarfiusimasullu salinneqarnissaannut immikkoortinneqartut 30 millionit koruuninik amerlineqarneri taavalu aamma saliinissap ukiumik ataatsimik sivitsorneqarnera, WWF-imut tusarluarnarpoq.
- Sakkutooqarfiusimasunik saliinnginnermi toqqaanissaq aallartitsinissarlu pitsaalluinnartuusoraara.
AAMMA ATUARUK Danmarkip USA saliinissamut tunngatillugu saaffigisimanngilaa
USA-lli Danmarkillu illersornissaqarfiisa sakkutooqarfiit ullumi atugaat isumaqatigiissummi ilaanngillat, tamannalu Kaare Winther Hansenip isornartoqartippaa.
- Taakku aamma mingutsinneqarput, tassami ikummatissat akuutissallu ulorianartunik akullit qimaannarneqarnikuupput.
Narsarsuaq sakkutooqarfittut allatulli ullumikkut atorneqartutut isumaqatigiissummut ilaatinneqanngillat.
- Mittarfik suli atorneqarpoq eqqakkallu matoorunneqarnikuupput. Taakku aamma isumagineqartariaqaraluarput, Kaare Winther Hansen oqarpoq.