18-inik ukiulik Qeqertarsuarmi suli ujaarineqartoq
Qeqertarsuarmi politiit suli ujaaraat 18-inik ukiulik Palu Broberg. Taanna angerlarsimaffimminit Qaqqannguup Aqqutaanit unnukkut arfineq pingasut qeqqata missaani animmalli kingullermik takuneqarpoq.
Allattoq Karsten Sommer
decembarip 08-at 2014 11:16
Nutserisoq Elisa Isaksen
Palu Broberg 180 cm-inik angissuseqarpoq, angerlarsimaffimminiillu anigami qernertumik tujuuluaraqarluni, taartunik koorbunik qarleqarluni, aappaluttunik Nike-inik kamippaqarluni, qaatigooqanngilaq oqarasuaammilluunniit angallattakkamik nassataqarani.
Politiit, ilaqutaasut Qeqertarsuarmiullu allat sapaatip akunnerata naanerani tammaaneqartumik ujaasigaluarput nassaarinaguli.
AAMMA ATUARUK 18-nik ukiulik ujaarineqarpoq
Taamaattumik politiineersup Taatsiaq Heilmannip Qeqertarsuarmiut quiminnik, kiileriminnik illuaqqaminnilluunniit misissueqqullugit suli kajumissaarpai. Inuilluunniit Palu Brobergip sumiinneranik ilisimasaqarsinnaasut Qeqertarsuarmi politiinut saaffiginneqquneqarput oqarasuaammut 70 14 25-mut imalluunniit 70 14 48-mut.
