Assi: KNR

Ilulissat: 17-nik ukiulimmik toqutsineq ukiuni arfinilinni pineqaatissinneqarsimasunut inissiisarfimmut

Angut 21-nik ukiulik toqutsisimanini pillugu ukiuni arfinilinni pineqaatissinneqarsimasunut inissiisarfimmiittussanngorlugu pineqaatissinneqarpoq. Qaasuitsup politiivi KNR-imut taama paasissutissiipput.

Ikinngutigiit nalliuttorsiualaarlutik nuannaffigisussaagaluarpaat, tamannali alianartumik naggaserneqarpoq, angut inuusuttoq 17-nik ukiulik niaqqumigut savimmik kapineqarmat kingorna toqqutigisaanik. 

Siorna aggustip ulluisa 19-anni arfininngornermi ullup qeqqataa siorna Ilullissani politit najugaqarfimmut  aggersarneqarput, ikinngutigiit arlaqartut unnuaq naallugu erngussimassimallutik suli ingerlaartunut.

Politiit najugaqarfimmut apuummata angut 17-nik ukiulik niaqqumigut savimmik kapineqarsimasoq naammattoorpaat, taanna inuunermik ulorianartorsiormat Nuummi Dronning Ingridip napparsimavissuanut aallarunneqarpoq, annaanneqarsinnaasimananili.

AAMMA ATUARUK 17-årig død efter knivstik i Ilulissat


Angut 17-nik ukiulik ullut arlaqartut qaangiummattta toquvoq . 21-nik ukiulik Manunnguaq Mathiassen savimmik kapisisoqarnerata kingorna tigusarineqarpoq, Qaasuitsullu eqqartuussiviani inatsit tunngaviusoq naapertorlugu killisiorneqarluni.

Angut 21-nik ukiulik Qaasuitsup eqqartuussiviani sapaatip akunnerani kingullermi eqqartuunneqarnermini ukiuni arfinilinni pineqaatissinneqarsimasut inissiisarfimiittussanngorlugu pineqaatissinneqarpoq, angummik 17-nik ukiulimmik toqutsisimasinera pissutigalugu, Qaasuitsumi politiit taama ilisimatitsipput.

Angut pineqaatissinneqartoq aamma toqutaasup anaanaanut taarsiisussatut 100.000 kr-nik akiliisussanngortinneqarluni eqqartuunneqarpoq.

Unnerluussisussaatitaasup ukiuni arfinilinni pineqaatissinneqarsimasunut inissiisarfimmiinnissaanik piumasaqaataa, Qaasuitsup Eqqartuussiviata malippaa.

Eqqartuussivimmi pineqartup suliarineqarnerani, angutip 21-nik ukiullip oqaluttuaraa, pisup nalaani silaarussimanini pillugu angut 17-nik ukiulik savimmik kapisimaneranik eqqaamasaqarsimanaani.

Qaasuitsup eqqartuussiviata pineqaatissiissutaa, angutip 21-nik ukiullip akueraa, sulialli Nunatta Eqqartuussisuuneqarfianut ingerlateqqinneqarnissaanut periarfissaqarluni.

AAMMA ATUARUK 17-inik ukiulik savimmit kapitereerluni navianartorsiortoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat