17-inik ukiulik Ilulissani ujaaraat
Ilulissani politiit ujaaraat angut inuusuttoq Kristian Jeremiassen Ilulissaneersoq, kingullermik sisamanngornermi juulip ulluisa 22-ianni takuneqartoq. Politiit ullut sisamat qaangiuttut maqaasineqartoq pillugu kalerrinneqarput.
Allattoq Najaaraq Egede
aggustip 02-at 2010 10:27
Kristian Jeremiassen angerlarsimaffimminit anigami nikallungasimavoq, politiillu ilimagaat Ilulissat timaani qaqqaniissimasinnaanera.
Kristian Jeremiassen kalaaliuvoq 17-inik ukioqartoq, 170-175 centimeteriuvoq, tuaganilu nerinnartuunngitsoq. Nujai orangeaapput kajortunillu iseqarluni.
Kristian kingullermik takuneqarami, tungujortunik qaamasumik kipparissortuumik allalimmik, saamigut saamerlikkut "93"-imik meqqilersimasamik fleecemik kavaajaqarluni. Qaserujuttunik qarleqarpoq qernertunillu arpaateqarluni. Qasertunik aamma seqinersiuteqarsimanissaa politiit ilimagaat.
Kristian Jeremiassenip sumiinneranik ilisimannittut Ilulissani politiinut 94 32 22-imut imaluunniit 54 38 22-mut sianeqquneqarput.
