16-inik ukiulik sakkortuumik pineqaatissinneqassangatippaa
Angutip inuusuttuaqqap 16-inik ukiullip, arnamik utoqqalinersiutilimmik Aalborgimeersumik pinngitsaaliilluni arnerillunilu toqutsisimasup, sakkortuumik pineqaatissinneqarnissaa, illersuisuata ilimagaa.
Allattoq Louise M. Kleemann
Isumaginniffimmut matoqqasumut ukiut tallimat arfineq-marlullu akornanni sivisutigisumik inissinneqarnissaa, eqqartuussissuserisup Nicholas Symesip aviisimut Nordjyske-mut oqaatigaa.
Angutip inuusuttup inuit eqqarsartaatsimikkut nappaatillit inissinneqartarfiannut inissinneqarnissaa, nakorsat eqqartuussinermi siunersiortagaasartut innersuussutigigaluarpaat.
Nakorsat siunersiortagaasartut nalilersueqqittussanngorput, 16-inilli ukiullip isumaginniffimmut matoqqasumut inissinneqarnissaa angutip inuusuttup illersuisuata ilimagaa.