15inik ukiulik biilinik aallarussisoq politiinit malersorneqartoq
Ullaassaq nalunaaqutaq pingasut qaangerlugu tanneq pingasunngulersoq Nuummi politiit nalunaarfigineqarput biilinik tillittoqarsimaneranik. Nalunaarfigineqarnerup kinguninngua Nuummi politiit politiit biilinik ikittaartulerluni mianersoqqussutinillu nipiliortulerlugu aallarussisoq malersulersimavaat, biilinik aallarussisoq unitsinniarlugu. Aallarussisulli biilit ingerlaarnerat tamakkersortilersimavaa, inunnillu ajoqusertoqarnissaa pinngitsoortinniarlugu politiit malersuinerik unitsissimavaat.
Kinguninngua biili kaajallarissap qeqqa aporpaat pusillunilu tussimalluni.
Biili ajoquserneqartoq inuusuttuaqqanik tallimanik, 15it missaannik ukiulinnik ilaasoqarsimavoq, ajoquserujussuartoqarsimanngilarlu, inuusuttuaqqap ataatsip nissuni napisimavaa sinnerilu ajoqusersimanatik. Biillinik qimarngussinermi aquttoq tillissimasutut mianersuaalliorlunilu biilimik ingerlatsisimasutut pineqaatissinneqassaaq. Imigassartorsimalluni biilimik ingerlatsisimanersoq, aviinermi paasisat takutikkumaaraat, Johan Davidsen Nuup politeqarfianit oqaluttuarpoq.
