15-nik ukiulik eqqaamasaqarpianngilaq
Nukappiaraq 15-nik ukiulik Qaqortumeersoq Aalborgimi 85-nik ukiulimmik inuarsimasutut pasineqartoq Aalborgimi ullumi killisiorneqarnermini eqqaamannginnerarpaa qanoq ililluni arnap utoqqaap inaanut isersimanerluni.
Nukappiaraq oqarpoq pisoq sioqqullugu immiaarartorlunilu rom-itorsimalluni aammalu arnap aneqqummani kamalersimalluni. Aneqquneqarami kamalluni arnaq utoqqaq tilluariartarsimavaa kinguninngualu arnarlu paaleramik arnap issuisigut tigusimavaa. Ritzau-imi allaaserineqartoq naapertorlugu nukappiaraq issummigut tigutikkami puussimavoq arnarlu pinngitsaalillugu.
Pinngitsaalereeramiuk igaffimmi savimmik tigusaminik arnaq kapoorsimanerarpaa killisiorneqarnerminili taamaallaat eqqaanerarpaa arnaq 85-nik ukiulik qungatsimigut aanaartoq.
15-nik ukiulik kingorna passimmini taqqani savimmik kittorariarsimagaluarpai imminoriaraluassalluni.
