15-inik ukiulik sukannernerpaamik eqqartuunneqarpoq
Tassa taamaalilluni kalaaleq inuusuttoq taanna ukiuni arfineq-pingasuni paarnaarussivimmiittussanngorpoq.
Inuusuttunut 18-it inorlugit ukiulinnut pineqaatissiissutaasinnaasut sakkortunersaat atorlugu Landsretip inuusuttoq kalaaleq pineqaatissippaat. Inuusuttup illersortaata inuusuttunut inissiisarfimmiittussanngorlugu katsorsarneqarsinnaalernissaa kissaatigigaluarpaa, tamannali eqqartuussisut eqqartuussisooqataasullu pissutissaqarsorinngilaat.
Toqutsinerup nalaani John Arpaarti Hans Møller Jyllandip avannarpasinnerusortaani inuusuttut angerlarsimaffianni inissinneqarsimavoq, ullorli taanna Aalborgimi karnevalertut ilageriarlugit, imigassartorsimalluni Kalaallit Nunaannut sianerusulerami oqarasuaatissarsiorluni arnaq utoqqaq, Gerda Møller angerlarsimaffianut iserfigalugu naggataatigut toquppaa.
