15-inik ukiulik Aalborgimi killisiorneqarpoq
Nukappiaraq 15-inik ukiulik Qaqortumeersoq, arnamik utoqqarmik 85-inik ukiulimmik Aalborgimi toqutsisutut pasineqartoq ullumikkut inatsit tunngavisoq naapertorlugu killisiorneqarpoq.
Allattoq Elisa Isaksen
septembarip 20-at 2007 11:37
Killisiorneqarnermini ilaatigut nassuiaatigaa immiaarartorsimalluni romimillu imersimalluni, qanorlu ililluni arnap utoqqaap 85-inik ukiullip inaanut isersimanini nalugini. Tassani arnaq ajortumik pisimavaa, arnallu utoqqaap nukappiaraq issuisigut tigusimavaa. Issummigut tiguneqarnini nukappiaqqap tissassutigisimavaa, arnarlu utoqqaq pinngitsaalillugu atoqatigisimallugu.
15-inik ukiullip killisiorneqarluni aamma oqaatigaa, arnap iggavianut savimmik aalleriarluni arnaq utoqqaq savimmik kapisimallugu – kingornatigullu imminut toqunnissani eqqarsaatigisimagini.
