14-inik ukiullip pinngitsaalilluni arneriffigineqarsimanini politiinut nalunaarutigaa
Niviarsiaqqap 14-inik ukiullip Qasigiannguaneersup, angummit ukiunik 20-nik imminit angajulliunerusumit pinngitsaalilluni arneriffigineqarsimanini tallimanngormat nalunaarutigaa.
Allattoq Louise M. Kleemann
novembarip 18-at 2008 08:59
Niviarsiaqqap 14-inik ukiullip angut 34-nik ukiulik ullut marluk sioqqullugit inaanukaqatigeriarlugu atoqatigisimavaa. Atoqatigiinnerli nammineq piumassuseqarneq naapertorlugu pisimanersoq, imaluunniit angutip niviarsiaraq pinngitsaalillugu arneriffigisimaneraa, oqaatigiuminaatsinneqarpoq, oqaasii assortuummata.
- 14-inik ukiulik pinngitsaalillugu arneriffigineqarsimanersoq uppernarsaruminaassaaq. Suliassaq paasineqarani immaqa unitsiinnarneqassaaq, Qasigiannguani stationslederi, Hans Peter Olsen, oqarpoq. Angulli niviarsiaqqamik ukiukitsumik atoqateqarsimasutut unnerluutigineqassaaq.
- Niviarsiaqqat inuusuttuaqqat kajumissaarusuinnarpakka imminnut paarilluarnerusaqqullugit, eqqarsarluaqqaartaqqullugillu, Hans Peter Olsen oqarpoq.
