14-inik ukiullip meeqqerisoq aallaagaa

Angut inuusuttunnguaq 14-iinnarnik ukiulik angummik paarsisuminik taliagut aallaammik aallaannissimasoq, politimestereqarfimmit nalunaarutigineqarpoq.
februaarip 02-at 2009 15:07

Pisoq pivoq inuusuttut paarsisutik ilagalugit Nuup kangerluani Qooqquniitillugit.

Ulloq unnuarlu angerlarsimaffittut ingerlataq angallat ”Tûgdlik” privatinit ingerlanneqarpoq.

Meeqqat inuusuttut angerlarsimaffimmit peersinneqarsimasut perorsarneqarnerinut atatillugu ”Tûgdlik”-mmi inuttaasut akuttunngitsumik paarsaminnik asimiitsitsisarput.

Angutip inuusuttuaqqap sulisumik aallaannereerluni qimaanera, politiinut pingasunngormat januaarip ulluisa 28-ianni kalerriutigineqarmat politiit ilummukarasuarput, Qooqqunullu apuummata inuusuttuaraq illumut najukkaminnut utereersimavoq.

Politiit inuusuttuaraq ilungersuutiginagu tigusaraat, Nuummullu oqqullugu inunnik isumaginnittunut isumagisassanngortillugu.

- Inuusuttoq 15-it inorlugit ukioqarmat eqqartuussivitsigut malersorneqarsinnaanngitsoq, vicepolitimester Morten Nielsen ilisimatitsivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq