14-inik ukiulik pinngitsaalillugu arneriffigitingajappoq
Kangaamiuni niviarsiaraq 14-inik ukiulik angutip 41-nik ukiullip sapaatip akunnerata naanerani pinngitsaalillugu arneriffigeriaraluarpaa.Sermitsiap nittartagaani tamanna allaaserineqarpoq.
apriilip 08-at 2009 09:58
Angutip pinngitsaaleeriaraluarnera 14-inik ukiullip kommunefogedimut oqaatigissallugu qunugilersimavaa, taamaammallu pisoq politiit ataasinngormat ullaakkut aatsaat paasisimavaat.
- Niviarsiaraq 41-nik ukiullip tallimanngornermi unnuakkut pinngitsaalillugu arneriffigeriaraluarsimavaa, kommunefogedimulli oqaatiginissaa sapileraluariarlugu ataasinngormat aatsaat taamaaliorsimavoq, Maniitsumi politiit ittorigallagaat, Miki Sethsen, Sermitsiap nittartagaani issuarneqarpoq.
Angut politiit angallataannit Sisak 2-mit ataasinngormat aaneqarpoq, 41-nillu ukiulik pinngitsaaliilluni arnereriaraluarsimasutut Maniitsup eqqartuussiviani ippassaq ualikkut unnerluunneqarpoq.
41-nik ukiulik sapaatip-akunnerini pingasuni tigummigallagassanngortinneqarpoq.
