14-inik ukiulik pasineqarpoq

Nukapiaraq 14-nik ukiulik, arfininngormat 42-nik ukiulimmik kalaaliusumik illoqarfeeqqami Tilst-imi Århusimiittumi toqutseriarsimasutut pasineqartoq tigusarineqarpoq, nukappiaraq isumaginninnermi oqartussanut nuutsissimavaat.

Paasiniaasartut ittuat, Peter Grove Munk, Århusip Politiivineersoq, atuagassiami Ekstra Bladet-mi, taama paasissutissiivoq.

Nukappiaq pisuutitaanerminut atatillugu pinngitsuunerarpoq, politiit isumaginninnermi oqartussaasunut nukappiaraq nuutsissimavaat, suliaq tassani suliarineqaqqitussaammat.

Nukappiaraq pasineqarpoq angummik 42-nik ukiulimmik, biilit unittarfianni arfininngornermi Århusip illoqarfiata silataaniittumi Tilst-imi unnukkut nalunaaqutaq qulingiluanngulersoq sakiaasigut nuungissumik sakkoqarluni kapisisimasutut, Politiit saassusinermut tunngatillugu suna pissutaasimanersoq paasissutisseerusunngikkallarput.

Kapineqartup inuunera suli navianartorsiorpoq, sulilu killisiorneqarsinnaanani.