14-inik ukiulik eqqaassinissamik sioorasaarisoq

Danmarkimi nukappiaraq 14-inik ukiulik Helsingørip eqqaaneersoq, Sjællandip Avannaani politiinit ullumi tigusarineqarpoq.
Allattoq Elisa Isaksen
marsip 16-at 2009 17:07

Atuartunik ilinniartitsisunillu aallaarsarinninniarluni sapaatip akunnerata naanerani internetikkut sioorasaarisimavoq, ilaatigut Skolen ved Rønnebær Alle-mi aamma Helsingørimi ilinniarnertuunngorniarfimmi eqqaassinissani sioorasaarutigalugit. TV2 taama nalunaarpoq.

Atuartut sulisullu illersorniarlugit, atuarfiit taakku marluk ullumikkut matoqqatinneqarput.

Politiit misissueqqissaarnertik isertuunniarlugu atuarfiit matoqqatinneqarnerannut patsisaasoq isertuuppaat. 14-inik ukiullip angerlarsimaffia politiinit maanna misissuiffigineqaleruttorpoq.

14-inik ukiulik sakkumik tigummisaqarsimanersoq suli ilisimaneqanngilaq, kisianni pisimasoq Sjællandip Avannaani illoqarfimmi pineqartumi politiinut oqartussanullu ernumaammersitsisimaqaaq – minerunngitsumik Tysklandimi qanittukkut atuarfimmi eqqaassineq pissutigalugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq