13-skala karakteeriliissutaajunnaassaaq

Misilitsinnerni soraarummeernernilu 13 skala atorlugu karakteriliisarnerit aappaagu aggustip aallaqqaataaniit atorunnaassapput.

Misilitsinnerni angusat pitsaanerpaartaannik angusaqartut taaguuteqalissapput ”Angusatit ajunngeqaat” – taava karakteriliissutaasoq tassaassaaq karakter A! Kultureqarnermut, Ilinniartitaanermut, Ilisimatusarnermut IIageeqarnermullu Pisortaqarfik tusagassiuutinut nalunaaruteqarluni taama allappoq.

Misilitsinnermi angusarissaarpallaanngikkaanni karakteri appasinnerpaaq F-iussaaq. Karakter ajunginnerpaaq A-uvoq tulliilu tassaallutik B C D E aamma Fx kiisalu F.

Karakteriliissutaasussat aallaqqaammut ilinniarnertuunngorniarfinni inuussutissarsiutitaarniarluni ilinniarfinni qaffasinnerusunilu ilinniarfinni atorneqassapput. Kingusinnerusukkullu tassalu aggustip ulluisa aallaqqaataanniit meeqqat atuarfiini angajullerni atorneqalissaaq.

Karakteriliissutaasartussaq ECTS skalamik taaguuteqartoq Europami atorneqarpoq. Kalaallit nunaanni atorneqalernissaannut ajunngequtaasutut taaneqarpoq, nunanut allanut saniulliunneqarsinnaasunik karakteeriliisoqartalissammat.

Karakterilersuisarnerit nutaat atuutilernissaat pillugit atuartunut, angajoqqaanut ilinniartitsisunullu paasissutissanik saqqummersitsisoqassaaq.