1,3 million koruunit missaanni taarsiiffigitilersoq

Namminersornerullutik Oqartussat Ilinniartitaanermut Pisortafiani atorfilik, pisortaqarfimmi 2002 tikillugu atorfeqarsimasoq, Pisortaqarfimmi allanngortiterineq pissutigalugu atorfimminit tunuartariaqalersimasoq, ukiuni pingasuni aningaasarsiaqaannartussanngorlugu nunatta eqqartuussiviani aalajangersaavigineqartoq, Ilinniartitsisut kattuffiat IMAK nalunaarpoq.

Ilinniartitaanermut Pisortaqarfimmi atorfeqarsimasup ukiuni pingasuni aningaasarsiaqartiinnarneqarnissaanik nunatta eqqartuussiviata aalajangiinera, atorfeqarsimasup 1,3 million koruuninik Namminersornerullutik Oqartussanit taarsiivigineqarnissaanik isumaqarpoq.

- Eqqartussiviup inerniliinera iluarinartorujussuuvoq, suliarli sunaluunnit oqaloqagiinnikkut nammassineqarsinnaasuuppat pitsaanerusimassangaluarpoq, Sivso Dorph Imakkip siulittaasua oqarpoq, taamaattorli eqqartuussiviup soraarsitsisimaneq tunngavigalugu maanna periusissamik taama tunngavissiinera, siunissami assigusumik pisoqartillugu iliuusissanut taamaalilluni qulakkeerinnittoq, Sivso Dorph oqarpoq.

Ilinniartitaanermut pisortaqarfimmi atorfeqarsimasoq soraarsinneqarpoq pisortaqarfimmi allanngortiterisoqarmat, tamatumalu kingorna ilinniartitsisut kattuffiat Namminersornerullutillu Oqartussat ukiuni pingasuni atorfimminik tunuartitaasoq pillugu isumaqatigiinniaraluarput, kinguneqanngitsumik. Isumaqatigiinniarnerit kinguneqanngimmata suliaq eqqartuussisunut suliassanngortitsissutigineqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat