1,3 kg hash arsaarinissutigineqarpoq

Inuit sisamat ikiaroornartumik Hashimik eqqusserialuartut tallimanngormat Qaqortup eqqartuussiviani eqqartuunneqaramik qaammatini tallimani ilaalu arfineq pingasuni pineqaatissinneqarsimasut inissiisarfianiittussanngortinneqarput
Allattoq Jaaku Lyberth
novembarip 19-at 2007 16:50

Eqqartuunneqartut ilaat ataaseq novemberip ulluisa arferngani Narsarsuup mittarfiani tigusarineqarpoq, ikiaroornartoq Hash 250 graminik oqimaassusilik nassataasa akornaniittoq politiit qimmiannit naamaneqarluni nassaarineqarmat. Taamatuma kingorna sinneri pingasut politiinit pasineqartut tigusarineqarput.

Inuit sisamat tigusarineqarneranni ikiaroornartoq Hash 1,3 kilo arsaarinnissutigineqarpoq, Qaqortumi politeeqarfup pisortaa Jack Nathansen nalunaarpoq.