Nutartigaq: 13-inik ukiulik maqaasineqartoq ajunngitsoq nassaarineqartoq
Nutartigaq: Niviarsiaraq ajunngitsoq nassaarineqarpoq. Politiit Saattuni 13-inik ukiulik ujaaraat. Niviarsiaraq takusimagukku politiinut 70 14 48-mut attaveqassaatit.
Allattoq Nicole Sander Bertelsen
marsip 15-at 2026 15:16
Nutserisoq Connie Fontain
Nutarterneqarpoq 15.55: Niviarsiaraq ajunngitsoq nassaarineqarpoq, KNR-ip taamaammat niviarsiaqqap aqqa assingalu peerpai.
Politiit Saattuni 13-inik ukiulik ujaaraat. Politiit tusagassiuutinut nalunaarummi paasissutissiipput.
Niviarsiaraq angerlarsimaffimminnit ippassaq, arfininngornermi ualikkut tallimat missaanni anisoq kingullermik takuneqarpoq.
Niviarsiaraq nalinginnaasumik isikkulimmik timeqartutut, 13-inik ukiulittut, takisuunik misunnikunik nujaqartutut nassuiaatigineqarpoq. Angerlarsimaffimminit ingerlagami kavaajaq qernertoq tunuliatigut qaqortumik allannertalik, qarliit koorput kamiillu qernertut atorpai.
Kalaallit Nunaanni Politiinut iluaqutaasinnaasunik paasissutissaateqaruit oqarasuaammut 70 14 48-mut sianersinnaavutit.
