127-t tigusarineqarput

Danmark nunarsuarmi angutit isikkamik arsaallutik Sydafrikami pissartanngorniunnissaannu aappaagu juunip aqqarnanni aallartittussamut annguppoq. Arsaannerup kingorna Københavnimi inuit 127-t politiinit tigusaapput. Brøndbymik illersuisut Sverigemiunik imerniartarfimmi Streckers Cafémi kamassaarinerisa kingunerisaanik paggittoqalermat politiit 77-inik tigusarinnipput eqqissisimatitsiniarlutillu 50-inik tigummigallaallutik, Ritzau allaaserinnippoq.

- Danmarkimi hooliganit Brøndbyminngaanneersuunerusut kamassaarilermata, svenskit akornanni paatsiveerunneq akiniaanerillu aallartipput, allaat issiavinnik, puiaasanik allarpassuarnillu aserorteriitigaluni milluuttoqalerluni, politiit oqaluttuarput.

Tigusat amerlanersaat svenskiupput.

DR-ip nittartakkamini allaaseraa Danmarkip arsaattartui ullumi sungiusarnerminni imigassarsunnikujussimasut, unnuarsuaq tamaat fiistassimanerat nalunarani.

VM-imi kikkut gruppeqatigiiaassanersut decembarip sisamaani makitsissutigineqassaaq.