101-inik ukioqalersup nuannaarneq pilluarneq asaneqarnerlu pingaartippai

utoqqaanersaq Charlotte Petersen:

-Nuannaarneq, nuannaartilik meeraanermiilli, meeraaninniit nuannaartitaallungalu paarilluagaaneq. Peqqissaarneq tassa ilinniarakku qallunaanit, peqqissaarneq minguiarneq, aamma ilassiortut inuit.

Charlotte Petersen Sikallutta, Nuummi utoqqaat illuani issiavinni assakaasulinni issiasoq silappaareqisorlu ilaquttani ullaakkorsioqatigigai pilluaqqujartorlugu radioaviisimiit ornipparput. Aperaarpullu 101-nik ukioqalerluni qanoq misigisimanarnersoq, ima akivoq:

Aatsaammi utilerpunga immaqa, ataatsimik ukioqalerama, illarluni oqarpoq, nangillunilu:

Ila nuanneq, tupinnarpoq, nuannertaqaaq ukiorpassuit angullugit, ilaa? Apererpasilluni oqarpoq nangillunilu:

-Peqqeqaanga, meeraaninnit peqqissorujussuuvunga, aamma paarilluagaanermik immaqa. Nuallunngikkaangatta meeraagatta ajorneq ajorpoq.

Massakkut tupinnaqaaq inuunera, nuannaarpunga peqqikkama, tupinnarpoq tupinnanngitsuunngilaq. Anniartorsuunnginnama imatut napparsimakulanangalu ileqqorigakku. Apereqqipparput ulloq 101-liiffini qanoq aallartissimaneraa, ima oqarpoq:

-Nuannerpoq, unnuaq sinippianngilangaluunniit aqqaqattaarlunga, soorlu qilanaartutut illunga, nuannertorujussuuvoq. Aamma aperaarput ulloq qanoq atortarneraa, nuannaarluni ima akivoq:

-Pilluarneq nuannaarneq. Ileqqorigakku suligallaramali taamaakkama. Inuuninni pingaartitakka amerlaqaat, nuannaarneq tassa nuannaarneq, qangali suligallaramali qasuneq ajorama nuannaartitaasarnermik. Naggataatigut aperaarput ullup sinnera qanoq atorniarneraat, ima akivoq:

-Nuannaarluta atussavarput, naluara tassa taamatut ingerlaannarpugut, qanoq iliorumasut qanoq iliussapput, oqartussaanngilanga uanga. Nuannaarutta naammappoq ukiorpassuit angullugit utoqqatsinarnermik, tunniussat ullut, Charlotte Petersen, sikallutta nuannaarluni taama oqarpoq.