10.000 koruunit pappilianngortikkusuppaat

Islandimi aningaasarsiornikkut ajalusoornerup kinguneranik aningaasat naleerukkiartornerat eqqarsaatigalugu aningaasat 10.000 koruunit pappiaranngorlugit naqitertinneqarnissaat Islandimi aningaaseriviup Islandske Nationalbankip pisortaata maanna isumaliutigaa.
Allattoq Jaaku Lyberth
juunip 10-at 2011 07:07

Islandimi aningaasat pappiaranngorlugit naqiterneqartartut ullumikkut naleqarpianngillat, taakkua 80-ikkunili 37-eriaammik nalikinnerulernikuupput. Nutaarsiassaqartitsivik IceNews taama allaaserisaqarpoq. 

Islandimi aningaasat pappiaranngorlugit naqinneqartartut naleqqortunersaat 5000 koruuniuvoq , 10.000 koruunit pappiaranngorluni saqqummersinneqarpat, 5000 koruunit atorunnaassaaq.

Islandimi aningaasat nalingi, Danmarkimi aningaasat nalinginut sanilliukkaanni nalikitsuararsuupput.  Islandimi 10.000 koruunit nalingat, danskit koruninngorlugit 450 koruuninik naleqarpoq.

Islandimiut 1 koruuniata saqqummersinneqartarunaarnissaa Islandimi centralbankenip pisortaata aamma eqqarsaatigivaa.

Islandimi 1 koruunip aningaasanngorlugu sananeqartarnera 3 koruuninik naleqarpoq, Islandimiut 1 koruuniat danskit koruuninngorlugu 4 øret missaannaannik naleqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq