100-nit amerlanerit ACR-imi aallaqataapput

Arctic Circle Race, nunarsuarmi sisoraatinik ujakkaarluni pissartanngorniunnerit ilungersunarnersaat, aamma 14-issaat, ullaaq qulinut aallartippoq. Unammisut 110-t sinnerlugit peqataapput, nunanit assigiinngitsunik 14-ininngaaneerlutik.
apriilip 09-at 2010 11:55

Unammeqataasut ilaat Ane Larsen piareersimavoq. Unamminerup ulluisa aappassaani aatsaat taama portutigisukkut unammisut ingerlaartinneqassapput, ACR-imi siulittaasoq Jens Klaus Lennert oqarpoq.

- Assut silagippoq seqinnarilluni marluinnarnillu issilluni. Ujakkaartut ullut pingasut ingerlaassapput. Aatsaat taama qutsitsigisukkut arpattut ingerlaartinneqassapput. Ulluni pingasuni 160 km aamma 100 km. arpassapput. Ullut aappassaani qummut 664 meterikkut ingerlaassapput. Peqataasut alutorissagunarpaat. Jens Klaus Lennert oqarpoq.

Aatsaat peqataasoq Sisimiormiu Ane Larsen pissagavoq.

- Nuannerunartippara aamma qutsissukkut ingerlaartussaagatta. Ullumi nuannernerpaassagunarpoq, aqagu ilugersunarnerpaajussagunarluni, tassami Nasaasaaq tikigajallugu ingerlaartussaagatta.

100 kilometerimut aamma Arctic Circle Racemut siullermeersumik peqataasoq, Ane Larsen oqarpoq.