10 kilometerit 10 kilometeriuppat?

10 kilometerit ilumut 10 kilometeriuppat? Apeqqut taanna Nuummi akissutissaqartinneqannguatsiarpoq.

Arfininngormat Nuuk Marathon ingerlanneqarpoq, affarmillu maratonernerup maratonernerullu saniatigut 10 kilometerit arpanneqarsinnaasimapput.

Tamannali ilumoorpallaanngilaq. 10 kilometeriuniartussaagaluit 9,3 kilometeriinnaasimapput.

Arpatsitsinermik aqutsisup Claus Nielsenip uppernarsarpaa 10 kilometeriuniartussaagaluit 9,3 kilometeriinnaasimasut.

- 10 kilometerioqqissaartumik arpaffissarsiorsinnaasimanngilagut piffissaasuagatta, Claus Nielsen oqarpoq, nangillunilu:

- Siorna 10 kilometerertut arlallit kukkusumik ingerlasarsimapput, taamaammat aqqut 10 kilometererfissaq allanngortittariaqarsimavarput. Saniatigut arpatsitsinermut ikiortaasinnaasussanik naammattunik pissarsisinnaasimanngilagut, Nuuk Marathonimik aqutsisoq oqarpoq.

Arpatsitsinermut aaqqissuisut neriorsuipput aappaagu arpatsitsinermi 10 kilometerit 10 kilometeriumaartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat