1 million kronit katersorneqarput

Nuna tamakkerlugu katersuiniarnermi " Tamatta assanninnermik pisariaqartitsivugut " TV-ikkut toqqaannartumik tallimanngornermi aallakaatinneqartumi aningaasat een million 622 koruunit katersorneqarput.
Maria Motzfeldt, Maren-Louise Poulsen Kristensen Assi © : KNR
Allattoq Jaaku Lyberth
oktobarip 11-at 2014 16:20

KNR-TVikkut toqqaannartumik aallakaatitsilluni aningaasanik katersuiniarneq Peqatigiiffiup Kalaallit Meerartaasa aaqqissuussaraa.  Atuartunut 10 klassenut atuartunut ilinniagaqalernissaannut suliniutaani" Sapiik" mi  suleqataasoq Angutimmarik Josefsen aningaasanik katersuiniarnermi pissarineqarneqartut amerlanerat nuannaarutigaa.

- Tupaallappunga kalaallit taama ikiuutipallammata, aningaasarpassuarnik katsersipallaluta, nuannaartorujussuuvugut taama angusaqarluaratta, Angutimmarik Josefsen oqarpoq.
Inuusuttuaqqanut meeqqanullu sullitaqarneq innuttaasunut apuulluarsimammat katersuiniarnermi ikiuukkusunneq pilersimasoq, "Sapiik" mi suleqataasoq isumaqarpoq,.

Peqatigiiffiup  Kalaallit Meerartaasa siulittaasua Tina Frausing radioaviisimut oqaluttuarpoq katersuiniarnermi ippassaq pissarsiarineqartut atorlugit nutaamik filmiortoqassasoq, filme taanna angajoqqaanut saaffiginnittuussaaq meeqqat peroriartorneranni pitsaanerusumik tapersersorneqarnissaannik siunertaqartumik.