1 Maj nallertinnagu piniarnermut allagartaq nutarterneqassaaq !

Aasamut aavarniaraanni umimmanniarniaraannilu piniarnermut allagartaq maajip aallaqqaataa nallertinnagu nutarneqartariaqarpoq, akilerneqarlunilu, Piniarnermut aalisarnermullu pisortaqarfiup nalunaarutigaa. Siorna pisarisimasat nalunaarsorneqarnerisa tunniunneqarnissaat piumasaqaataavoq, piumasarineqartullu eqquutinneqanngippata piniarnermut allagartamik nutaamik pissarsisoqarsinnaanngilaq, Aalisarnermut Piniarnermullu siunnersorti Ole Heinrich oqarpoq.

"Tassa massakkut tusagassiorfinnut nalunaaruteqarnitsinnut erseqqissarparput siusinnerusukkut atuuttartutulli maajip aallaqqaani allagartap akilereersimanissaa atuutissasoq, taavalu aamma taanna isumaqarpoq ukiumoortumik pisanik nalunaarsuivissaq aamma piaanerpaamik nassiunneqareersimassasoq, taamaaliorsimanngikkaanilu taava aasamut umimmatassiisutinik tuttutassiissutinillu agguaaneqalerpata akuersissutinik tunnineqarsinnaassanngillat, Ole Heinrich, Radioavisimut oqarpoq. Ingammik saniatigooralugu pinialuttartut ukialereersoq pisamik allattorsimaffiit nassiussuuttarmatigit piniarnermut pisortaqarfimmi suliakkersuutaasarput" Ole Heinrich oqarpoq.