Savalimmiormiut kunngikkormiunit aasaru tikeraarneqassapput
Kunngissaq nulialu, taakkualu meeraat sisamat, kunngikkormiut umiarsuaat Dannebrog angallatigalugu Savalimmiunut aggustip qaammataani tikeraassapput.
Allattoq Inge S. Rasmussen
Nutserisoq Jaaku Lyberth
Ukiut pingasut matuma siorna, tassalu 2014-imi kunngissakkut meeqqatillu Nunatsinnut tikeraarput, umiarsuaq Dannebrog angallatigalugu kujataani kitaanilu illoqarfiit nunaqarfiillu tikeraarpaat.
Kunngikkormiut umiarsuaat Dannebrog kingullermik Savalimmiuniippoq juunip qaammataani 2016-imi, taamanikkut Dronning Margrethep tikeraarpai qeqertat Suduroy, Sandoy aamma Tórshavn.
Kunngissaq Frederik nulianilu Mary pisortatigoortumik savalimmiunut siornatigut tikeraarnikuupput.
Tamanna pivoq 2005-imi juunimi. Ernerat angajulleq Christian inunngornissaanut qaammatit sisamat sioqqullugu, tassalu oktobarip ulluisa 15-ianni 2005-imi inunngorami.