Qarasaasiakkut pinnguaat Fortnite taartuinnanngorpoq
Pinnguaatip nunataa ulloriarsuarmit eqqorneqarluni qaarsimavoq maannalu tassa taartuinnarsuanngoqqalluni. Pinnguaatip nutarneqarnissaanut tusagassiuutitigut ukkatarineqarnissaa siunertaralugu taamaaliortoqartoq amerlasuut isumaqarput.
Fortnite ikioqatigiilluni uumaniarsaraluni pinnguaataavoq 2017-imi saqqummertoq. Internetsilu aqqutigalugu nunarsuaq tamakkerlugu iligiikkuutaarluni pinnguarineqartarluni. Fortnitertartut 200 millionit nunarsuaq tamakkerlugu missaanniipput.
Pinnguaammi inuttarisap atisassaanik, sakkussaannik qitittariaasissaannillu pisisoqarsinnaavoq.
Fortnite qaqugu pinnguarineqaqqissinnaanngussanersoq ilisimaneqanngilaq.