​​​​​​​Qarasaasiakkut pinnguaat Fortnite taartuinnanngorpoq

Pinnguaammik atuisorpassuit millioniliikkaat ippassaq unnukkut Fortniterniatillutik isiginnaarutertik ikikkamikku taartuinnaap qeqqani qaammataasatut isikkulik qernertoq kaaverusaartoq naammattooraat nutaarsiassaqartitsivik dr.dk allappoq.
Fortnite qaqugu pinnguarineqaqqissinnaanngussanersoq ilisimaneqanngilaq. Assi © : Scanpix
oktobarip 14-at 2019 15:19

Pinnguaatip nunataa ulloriarsuarmit eqqorneqarluni qaarsimavoq maannalu tassa taartuinnarsuanngoqqalluni. Pinnguaatip nutarneqarnissaanut tusagassiuutitigut ukkatarineqarnissaa siunertaralugu taamaaliortoqartoq amerlasuut isumaqarput.

Assi © : Screendump/Youtube.com
Fortnita maanna taama isikkoqarpoq.

Fortnite ikioqatigiilluni uumaniarsaraluni pinnguaataavoq 2017-imi saqqummertoq. Internetsilu aqqutigalugu nunarsuaq tamakkerlugu iligiikkuutaarluni pinnguarineqartarluni. Fortnitertartut 200 millionit nunarsuaq tamakkerlugu missaanniipput.

Pinnguaammi inuttarisap atisassaanik, sakkussaannik qitittariaasissaannillu pisisoqarsinnaavoq.

Fortnite qaqugu pinnguarineqaqqissinnaanngussanersoq ilisimaneqanngilaq.