Assi: Helmut Fohringer / AFP / Ritzau Scanpix

Østrigimi kanslerip tullersortaa tunuareersorlu qinersinissaq tullinnguuttoq

Østrigimi kanslerip tullersortaata tunuarnerata kingunerisaanik piaarnerpaamik qinersisoqartussanngortoq Østrigimi kansleri, Sebastian Kurz naammagiliilluni nalunaaruteqartoq, Reuters allaaseqarpoq.

Isertortumik assilisat saqqummiunneqareersullu Østrigimi politikikkut uervertoqalerpoq.

Østrigimi kanslerip tullersortaata Heinz-Christian Strachep tusagassiutitigut nalunaarutigeqqammerpaa tunuarluni.

- Tunuarniutiga kanslerimut Kurzimut nalunaarutigaara, aalajangiinerlu akueraa, Strache oqarpoq.

Aasarsiortarfiit ilaanni Ibizami 2017-imi isertortumik assilisat saqqummiunneqarput, tassani Heinz-Christian Strache, suleqataalu Joachim Gudenus arnarlu aningaasaatilik oqaloqatigiittut assilineqarsimapput.

Østrigimi qinersinissaq sioqqullugu arnap aningaasaleeqataanissi neqeroorutigaa, tamannalu Strachep soqutiginnilluni qisuariarnera immiussami takuneqarsinnaavoq, arnarli pisuujunngitsoq dr-dk allaaserineqarpoq. 

Østrigimi qaammatit pingasut sioqqullugit qinersisoqartussanngortorlu Heinz-Christian Strache, suleqataa arnarlu alla ilaatigut viinninik vodkamillu iggiserlutik najoqqaasut assilineqarsimasut, tyskit aviisianni Süddeutsche aamma nutaasiassaqartitsivimmi Spiegel tallimanngornermi unnukkut saqqummiunneqareersullu kanslerimut tullersorti tuniarniuteqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat