Imigassaq silaarunnartulik pillugu inatsisissaq kinguartinneqartoq
Siullermik inatsisissap aappassaanneerneqarnissaa sisamanngornermut novembarip qulingiluaannut kinguartinneqarpoq, marlunngornermilu ataatsimiititaliap novembarip 13-iannut oqallisissap kinguarteqqennissaa qinnutigaa.
Imigassamut silaarunnartulimmut inatsimmi paragraf 25 ammasarfinnut tunngasoq, aamma paragraf 28 niuvertarfinni assersuisoqartarnissaanut tunngasoq sukumiinerusumik oqallisigerusunneqarput. Peqqissutsimut ataatsimiititaliap siulittaasua Laura Taunajik taama KNR-imut allappoq.
Peqqissutsimut naalakkersuisup Agathe Fontainip siunnersuutaani immiaaqqat, viinnit imigassallu silaarunnartullit siunissami ulluinnarni ullaakkut qulingiluaniit arferngup tungaanut - arfininngornikkullu aqqanermiit pingasut tungaannut pisiarineqarsinnaalissapput.
Paragraf 28 naapertorlugu pisiniarfiit peqquneqassapput imigassat silaarunnartullit pisiniarfinni nioqqutissanit allanit assersukkaniissapput.
