ASSIT Folketingimi ammaaneq
Folketingemi ataatsimiinnerit ullumi marlunngornermi oktoberip ulluisa arferngani ammaanersiorneqassaaq. Ataatsimiinnneq aallartissaaaq nunatsinni nalunaaqutaq arfineq pingasunnorpat.
Ammaanermi immikkut qaaqqusat arlaqartut aamma kunngikkormiut najuutissapput.
Ataatsimiinneq sioqqullugu folketingemi ilaasortat nalagiaqatigiissapput, soorlu maani Nunatsinni Inatsisartut aamma taama pisartut.
Folketingimi ataatsimiinneq folketingemi sivisunerpaamik ilaasortaasumit ammarneqassaaq . Tassalu ataatsimiinnermi ammaasuussaaq ukiut 33-t sinnerlugit ilaasortaasoq, Berthel Haarder.
Folketingip siulittaasoqarfiani ilaasortat qinerneqareerpata, ministeriuneq Lars Løkke Rasmussen ammaanersiorluni oqalugiassaaq. Tassani ilaatigut eqqartussallugit naalagaaffiup nunarsuamilu pissutsit ullumikkut qanoq inissisimaneri. Ammaanermilu oqalugiutini ilaatinneqartartut, tassa inatsisissatut siunnersuutit suunersut aamma saqqummiutissallugit.
Ministeriunerup ammaanersiorluni oqalugiarnera ulloq taanna partiinit eqqartorneqassanngilaq, tamanna aatsaat pissaaq sisimanngornermi oktobarip arfineq pingajuanni.
Ullormi tassani partiit oqaaseqatitaasa taamatullu Nunatsinnit Savalimmiunillu Folketingimi ilaasortat oqalugiaat oqaaseqarfigissavaat.
Folketingimi aammaanersiorneq malinnaavigineqarsinnaavoq, folketingip nittartagaatigut, ft.dk aqqutigalugu.