Ilitsersuutit: Sushi aamma Cheesecake

Aalisakkat ooqanngitsut qaqorteqqasunut kinertunut qeqqusanullu immussat
– Sushi

Inunnut 5-8

 

Akussai:

Qaqorteqqasut 1 kg

Sioraasat alussaatit 2

Seernartoq (sushi eddike) alussaatit 2 

Kapisillip nerpia 400 gr

Tikaagulliup mattaa 400 gr

Qalerallip nerpia 400 gr

Agurk ilivitsoq

Avocado 2

Guleruujut 3

Manniit 4

Uanitsut naarlaavi qilertat ( Forårsløg )

Qeqqussat panertut

 

Illussat:

Soya

Ingefær

Wasabi

Wasabi aamma mayonnaise akulerullugit dressingiliarineqarsinnaapput

Sesamfrø (inerittussat) sikatsilaakkat

 

Imaaliussaatit:

Qaqorteqqasut errortorluarneqassapput

Immaaraarsuaq, alussaateeqqap affaata missaanik taratsersinnaapput, taratsernagilluunniit.

Sioraasalerlugillu alussaatit marluk

Sushi ris eddike alussaatit marluk kuilaaginnarlugu aalatillattaalugit qalatikkiartuaarneqassapput min. 20-ini, nillorserlugillu.

Akussat naatitat errortorluarneqarlutillu takisuunngorlugit amitsunnguanngorlugillu aggorneqassapput.

Manniit aalallugit immummillu alussaatit 4 akullugit siatsivimmut issortinneqassapput

Qeqqussamut panertumut qaqorteqqasut saattunnguanngorlugit nippussuutinneqassapput

Alussaateeqqamik wasapi saattunnguamik titarneq ataaseq qaqorteqqasunut tarnunneqassaaq

Uligunneqassapput nerpik, gulerod, avocado, uanitsut naarlaat, manimmik issortitaq - tassa akussat ataasiukkaarlugit marluk annerpaamik pingasut ataatsikkoortittarlugit, assigiinngitsunik sanasoqarsinnaavoq. Taamaalereerpat sushiliassanut immussivimmut nermunneqassapput.

Sesamfrø siatsivimmut panertumut sikatsilaakkat akugineqarsinnaapput, soorlu qaqorteqqasut qeqqussamut ilereerpata sesamfrø qaavanut nakkalataarlugit.

Nermutereerpata savimmik ipissarluarsimasumik tamuaanngorlugit aggorneqassapput – sassaalliutissamullu fadimut illinnasaarlugit iliorarlugit.

Soya aamma ingefærit syltikkat illugineqassapput.

Wasabi

Wasabi mayonaiselerlugu dressingirineqarsinnaavoq

 

Cheesecake – Immussuarmik nutaamik kaagiliaq kinguleqqiut

Naqqa:

Punneq 75 gr.

Digestives 200 gr.

Punneq igamut aatsinneqassaaq. Kissiaqqat digestivit aserorterlugit punnermut akulerunneqassapput.

Taakku springformimut (anginermut) kuineqassapput.

Qeqqa:

Flødeost (natur) 800 gr. skålimut kuineqassaaq

Manniit 4

Sioraasat 200 gr.

Vanillesukker alussaateeqqat 3, citronsaft (nammineq aaliangissooq qanoq annertutigisumik) akulerullugit aalallugit

Kissit qaavanut kuillugu iffiorfimmi uunneqassaaq ; 25 min. 190 gradinut. Ooreerpat anninneqassaaq.

Qaava siulleq:

Cremefraische mikineq (2,5 dl)

Sioraasat 50 gr.

Vanillesukker alussaateeraq 1,5 aalateriarlugit kaagip qaavanut kuineqassapput, iffiorfimmullu ikeqqinneqassaaq 15 min. uullugu.

Naammassippat anninneqassaaq nillorserlugulu.

Qaava qalleq:

50 gr. Sioraasat imerlu alussaatit 2 igaaqqamut uunanneqassapput sioraasat aannissaata tunganut 250 gr.

Paarnat qerisut (Paarnat suulluunniit atorneqarsinnaapput) akulerunneqassapput minutsit marlussuit qalatillugit

Maizena alussaateeqqat marluk alussaatit marluk imermut aalaterunneqareerpata, arriitumik paarnanut kinersaasiunneqassaaq kinertinnissaata tungaanut

Kaagip qaavanut kuineqassaaq. Nillorpat nerineqarsinnaanngussaaq.

 

TAKANNA!