Ilitsersuut: Kapisilik, qaleralik paarnallu rand-imut

Jess Petersen, Ilulissat

Siuleqqiut

Kapisillip uutap nerpia

Raajat qalipaajakkat

Agurki

Peberfrugtit

Majsiaqqat

Asparges

Citron

Miseraq: Thousand island imalt. sanaaq. Mayonaise, citron, tomat pure.

Kapisilik uunneqassaaq, nillorpallu nerpiiarneqassalluni. Nerpiit fadimut ilineqassapput. Nerpik citronip isseranik akuneqareerpat, raajanik naatitanillu aggorsimasunik pinnersarneqassaaq.

Ineriikkamik imaluunniit nammineq sanaamik miseralerneqarsinnaavoq

 

Qalerallip nerpianik ammaloqisaaliat qorsorpaluttut

Qaleraliup nutaap nerpia 500 gr.

Uanitsoq angisooq ataaseq

Manniit marluk Persillet aserortikkat alussaatit 5

Rasp sukkoqanngitsut 250 gr

Taratsut qasilittullu tamarmik alussaateeraq ataaseq

 

Qaleralik qerrajaaq ameerneqareerpat, nerpii immikkoortinneqassapput aalluarpatalu aserorterlugit. Uanitsoq aserorterneqassaaq, riverlugu imalt. savimmik mikisunnguanngorlugu aggorneqassaaq nerpimmullu akulerullugu. Manniit marluk ataasiakkaarlugit tiitorfimmut nakkarteriarlugit aalatamut akulerunneqassapput. Naggataatigut raspit, taratsut qasilittullu akulerunneqassapput. Nerpimmik ammaloqisaaliassaq aalateriigaq siatsinnagu nillataartumi 1 time uninngateqqaarneqassaaq. 

Naatsiiat: Naatsiiat salilluarneqarsimasut qalipaqartiinnarlugit 10 min. qalanneqassapput. Qajueriarlugit tamuaanngorlugit aggorneqassapput, uuliamik taratsunik timianinik hvidløginillu nakkalatsilaarneqareerpata fadimi iffiorfikkoortinneqassapput aamma 10 min. 180 gradinut. 

Miseraa: Hollandaise sauce

 

Kinguleqqiut

Paarnat pærit aamma ferskenit qillertuusamiittut issingerneqassapput, nunallu paarnaanik akullugit randimut ilioqqarneqassapput.

Lagiat igaaqqamut husblassinik poortanik kinertinneqassaaq – randimullu paarnanut aaqqissuullugit ilioqqarsimasunut sallaatsumik kuineqarluni. Issorseereerpat fadimut ulinneqqassaaq.

 

TAKANNA!