Eqqusat nipitsallu suai

 

Eqqusat  nipitsallu suai

Suaasat qaqortut sushiliassat 150gr

1 Lime

1 alussaat  rørsukker 

1 alussaateeraq taratsut

Eqqusat 10

 Nipitsap suai salilluakkat tarajulaakkat

 Sulluitsoq

 Illussat:

Wasapi   

 Soya 

 Suaasat qaqortut sushiliassat errortorluarsimasut qalatinneqassapput. Qalappatalu uunangaarnerini limep saftia rør sukkuligaq taratsigarlu suaasat aalatiutigalugit kuineqassaaq.

 Nillorpata sulluitsumut imuneqassapput savimmillu ipilluartumik tamuaanngorlugit kitserneqassapput. Eqqusat nipitsallu suaannik qallerneqassapput.

Wasapilerlugit soyalerlugillu nerineqassapput.

Kanassut uillullu

 

Kanassut 3

 Uillut  1 1/2 kg

Suaasat qaqortut risottuliassat   250mg

Punneq

Uanitsut 2

Hvidløg  4 fed

Chili

Laurbærblad

Qasilitsut ilivitsut

Bladselleri

Guleruujut

Hvidvin

Persille

 

Kanassut saliluarsimasut nerpittaat siatassatut immikkoortinneqassapput , sinnerilu imililaarlugit hvidvinilerlugit qalatinneqassapput, guleruujunik uanitsunik bladsellerinik qasilitsunik ilivitsunik  laurbærbladinik chilimillu akoorlugit. Pingaarpoq tingui niaquilu ilanngunneqassammata.

Uanitsoq aggorluarsimasoq hvidløgillu punnermut sianneqassapput uillullu ilanngutsinnginnerini bladselleriit aggorluarsimasut akuliunneqassapput . Taamaasereerpat uillut kumillugit salilluarsimasut    hvidvinilu 2 dl akuliunneqassapput. Uillut ammarunik qalassapput.

Uanitsut hvidløgillu aggorluarsimasut igami issusuumi  punnermut sianneqassapput – sikatsinnaveersaarlugit.  Risottoliassat imermut errortorneqarluareerpata aamma taakkununnga akuliunneqassapput. Aalatiutigalugit  kanassut uillullu qajuannik akullattaallugit kinertuliarineqassapput. Suaasat naammassippata uillut akuliunneqassapput  persillemillu nakkalatsitaarlugit.

 

Aappilattut kanassullu nerpii siatat

Kanassut nerpiginnertai

Punneq

Aapilattut

Mango

Lime

Soya

Rørsukker

Sesamolie

Ingefærip issera

Chili

Sesamfrø

Limep issera,soya, rørsukkut,  sesamolie,  ingefærip issera, chililu  skålimut akulerulluarneqassapput salatimut miseqqiassatut. Taanna kuineqassaaq

aappilattunut salilluakkanut  aamma  mangomik amitsukujuusianik aggukkamut

Kanassut nerpii siatsivimmi punnermut sianneqassapput

Kanassup nerpia nerineqassaaq aappilattunit salaatilianik illulerlugu.

 

Karen Marie Kielsen