Qanorooq-mut tusagassiortussarsiorpugut

Uuliasiorneq aatsitassarsiornerlu namminersulivinnissarlu. KNR-ip TV-kkut nutaarsiassaqartitsiviani Qanorooq-mi tusagassiortutut sulileruit ilaatigut apeqqutit tamakku sammissavatit.

Piaartumik imaluunniit immikkut isumaqatigiisuteqarluni ullormi allami. 

KNR-imi nataarsiassalerinermi aaqqissuisoqarfiit ataatsimoortilerlugit allannguinikuuvugut. Siunissami tusagassiortussat nutaarsiassaqartitsivinni tamatigoortuussapput raatiumut, TV-mut aamma nittartakkamut tunioraasinnaasut. Tamannalu illit aamma piareersimaffigissavat.

Uumali atorfiup Qanorooq aallaavittut nutaarsiassanik aammalu toqqaannartumik ilanngutassiissutinik tunioraavigissavaa. 

Tusagassioriaatsitta aallaavigaa tv-kkut nipitalerlugu assitalerlugulu oqaluttualiorneq, soorunami aamma inuit qitiutillugit. Tusagassiiginnarusunngilagut, kisiannili tiguaarusuppugut takujuminartuullutalu. Peqataajumaguit uku ilinnit naatsorsuutigaavut: 

  • •    Tusagassiortutut assigisaannilluunniit ilinniagaqarsimasutit
  • •    Sulerusussuseqartuusutit og tamatigoortuullutillu
  • •    Suleqatiginnikkumasuusutit, qiimasuullutik apeqqusiisinnaassuseqarlutillu

Qanorooq ullormnut ataasiarluni nutaarsiassanik aallakaatitsisarpoq aammalu DR-imut sapaatip akunneranut minutsini 25-inik sivisussusilimmik nutaarsiassanik tunniussisarluni.


Akissarsiat atorfeqarnermullu tunngasut

Akissarsiat atorfeqarnermilu atugassaritaasut, ilanngullugit atorfininnermi sulijunaarnermilu angalanerni pisatallu assartorneqarnerini akiliunneqarluni nuussinnaatitaanernut tunngasut Namminersorlutik Oqartussat Kattuffiullu isumaqatigiin-
niussisinnaasutut piginnaatitaaffeqartup akornini isumaqatigiissutit naapertorlugit suliarineqassapput.  

 

Najugaqarneq 

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Atorfik pillugu paasissutissat amerlanerusut nutaarsiassanut pisortamut Mikkel Bjarnø Lundimut +299 36 15 70, mib@knr.gl -imulluunniit saaffiginnilluni  pissarsiarineqarsinnaapput.
Qinnuteqaat nalunaaqutserneqassaaq “Qanorooq-mut tusagassiortoq” CV-millu kiisalu ilinniakkanut atorfigisimasanullu uppernarsaatinik imaqassalluni.

Qinnuteqaat novemberip 21-ani tigoreersimassavarput uungalu nassiunneqassaaq:


Kalaallit Nunaata Radioa  
Postbox 1007  
3900 Nuuk. 
Aammattaaq e-mailikkut nassiussinnaavat, uunga atorfik@knr.gl