Nunatta nipaani aallakaatitseqataasalerusuppit

Ullup aallartinnerani aallakaatinneqartartoq nuannarineqarluartoq Nunatta Nipaa marlunnik aallakaatitsisussarsiorpoq.

Nuna tamakkerlugu tusarnaartartunut toqqaannartumik aallakaatitseqataasassaasi piareersaaqatasarlusilu, taamaammat pisunut malinnaalluartuunissat isorinnissinnaanissarlu pingaaruteqarput.

KNR Radiomi aallakaatitsisutut/tusagassiortutut aallakaatitassiaq ilisarisimaneqarluartoq nuannarineqarluartorlu ineriartortitseqataaffigilissavat. Itiaallorissuunissat soorunami naatsorsuutigaarput, ilakkuminaartuunissat inussiarnersuunissat kiisalu aliikkusersuinermik aamma inuiaqatigiinnit soqutigineqartut oqallisaasullu aallaavigalugit sulisinnaanissat aamma naatsorsuutigaarput.

Kalaallisut oqallorissuunissat toqqaannarnermillu nuannarisaqarnissat pingaartipparput.

Suliffeqarfipput ineriartorfiuvoq, suleqatigiilluarnermik pitsaassutsimillu pingaartitsisoq.

Radiolerineq, teknikki, nittartagalerineq aamma internettikkut inuit attaveqaqatigiiffii atorlugit sulineq misilittagaqarfigigukkit merserinagillu iluaqutigisinnaavatit.

Akissarsiat:

Aningaasarsiassat atorfininnermilu atugassarititaasut Naalakkersuisut Tusagassiortut Peqatigiiffiatalu/ Dansk Journalistforbund-ilu akornanni isumaqatigiissutaasut atuupput. Aningaasarsiat atorfinitsinneqarnermullu atugassarititaasut, taakkunani atorfinitsinneqarnermi aammalu soraarnermi angalanermut pisattanillu nutsernermi atugassarititaasut Namminersorlutik Oqartussat aammalu aaqqissuussinermi inissisimanermi isumaqatiginninniartartut akornanni malittarisassat atuuttut malillugit pissapput.

Najugaqartitaaneq

Atorfinittussap piumasaqaataasunik naaammassinnissimassup, atorfimmut atatillugu inissiamik pequserssorneqanngitsumik maleruagassat naapertorlugit sulinermut atasumik ineqartoqarsinnaavoq, Inigisamut akiliut iserternermilu akiliutaagallartut maleruagassat naapertorlugit aaqqiivigineqarsimapput. Atorfeqarnermut atasumik ineqartitaaneq atorfeqarnerup nalaani atuuttussaavoq, atorfeqarunnaarnermilu qimanneqartussaalluni. Inigisamut akiliutit inigisap pitsaassusaa naapertorlugu nalilerneqartarpoq, taamaammat inigisamut akiliutit inigisap pitsaassusaa, pisoqaassusaa, kikkunnit pigineqarnera  pissutillu allat naapertorlugit assigiinngissuteqarsinnaapput.   

Sukumiinerusumik paasissutissanik perusukkaanni mailikkut Radiumi pisortaq Alice Sørensen, als@knr.gl, imaluuniit aaqissuisoq Aminnguaq Dahl Petrussen, amdp@knr.gl 

Qinnuteqaat ilinniarsimanermut allagartat suliffigisimasaniillu oqaaseqaatinik ilallugit nassiunneqassapput, tigoreerneqassallutillu kingusinnerpaamik juunip 10-ani 2020.

Qinnuteqaat atorfik@knr.gl -imut nassiunneqassaaq.