KNR.gl -imi aaqqissuisoq

Nutaarsiassaqarfimmi ingerlarsortumi ineriartupiloortumilu suleqataarusuppit? Taava massa periarfissat. KNR.gl aaqqissuisumik pikkorissumik oktoberip aallaqqaataani immikkulluunniit isumaqatigiissuteqarnikkut ullormi allami aallartittussamik.

Tusagassiivittut pitsaanerpaatut inuiaqatigiit sukkanerpaamik tunerusuppagut oqaluttuanik pingaarnerpaanik oqaluttuanillu pitsaanerpaanik, peqataajumaguit ilinnit uku naatsorsuutigaavut:

•    Tusagassiortutut assigisaanilluunniit ilinniagaqarsimasutit

•    Nittartakkatigit tusagassiisarnermik “sociale medier”-millu ilisimasaqartutit

•    Suligasuarsinnaasutit eqqortumik

•    Suleqatiginnissinnaasuseqartutit, qiimasuusutit apeqqusiisinnaasutillu

Knr.gl ulapaafittut tamatigoortutullu suliffiuvoq ullup qanoq ingerlanissaa ilisimaneqanngisaannartoq. Ingerlarsorneq eqqortumillu sulineq pingaarnertut inissisimapput, pissutigalugu nittartagaq ullup ingerlanerani malinnaatinneqartuartussaammat nutaarsiassanik kingullerpaanik nutaarsiassanillu KNR-ip aaqqissuisoqarfiinit takkussuuttunik.

Knr.gl KNR-ip periusissiaani qitiulluni inissisimavoq. Suliat atuisunut amerliartuinnartunut annermik “sociale medier”-ini sarfarsiataartuniittunut ineritikkiartorneqassapput, aammalu periusoq “nittartagaq siulliullugu” inerisarneqassalluni.

Massakkut suleqatigiissuni pingasuusuni akuulissaatit – aaqqissuisoq, tusagassiortoq aammalu nutserisoq/tusagassiortoq.

Aaqqissuisoq nutaarsiassaqarfimmi aaqqissuisooqatigiinnut ilanngutissaaq, tassani immitsinnut ikioqatigiittarpugut, tamattalu nutaarsiassaqartitsivimmi Nuummiittumi issialluta.

Knr.gl marluinnik oqaaseqarfiuvoq. Kalaallisut akunnattoorfeqanngitsumik allassinnaaneq oqalussinnaanerlu iluaqutaassaaq.

Aningaasarsiatigut atorfinitsitaanermilu atugassarititaasut Naalakkersuisut Tusagassiuinermi Sulisut Peqatigiiatalu tusagassiortut teknikerillu sinnerlugit isumaqatigiissutaat malullugu akissarsiaqartitsisoqassaaq.

Najugaqartitaaneq Atorfimmut uunga inigisassamik neqerooruteqanngilaq. Taamaattorli atorfik alla aqqutigalugu ineqartitaasimaguit KNR-imi sulilerninni ini taanna suliffimmit inigititatut najuginnarsinnaavat.

Atorfik pillugu paasissutissat amerlanerusut nutaarsiassanut pisortamut Mikkel Bjarnø Lundimut +299 36 15 70, mib@knr.gl -imulluunniit saaffiginnilluni  pissarsiarineqarsinnaapput. Qinnuteqaat nalunaaqutserneqassaaq “webredaktør” CV-millu kiisalu ilinniakkanut atorfigisimasanullu uppernarsaatinik imaqassalluni.

Qinnuteqaat septemberip 21-ani tigoreersimassavarput uungalu nassiunneqassaaq:

Kalaallit Nunaata Radioa

Postbox 1007  

3900 Nuuk.

Aammattaaq e-mailikkut nassiussinnaavat, uunga atorfik@knr.gl