KNR Radiomi aallakaatitassiortarnitsinni suliavut siammasipput, inuiaqatigiit atugaasa itisiliisumik aliikkutassiaanerusumillu saqqummersinnissaat pingaartillugu. Aallakaatitassiornitsinni tusarnaartartut peqataatittuartarpagut, ulluinnarni inuit inuunerat alapernaaserfigalugu.

Toqqaannartumik aallakaatitsisarpugut aamma aallakaatitassiat takinerusut katitikkat suliarisarpavut.

Kalaallisut oqallorissuunissat nipillu atorlugit aallakaatitassiornermik pikkoriffeqarnissat inuiaqatigiinnillu pisunik soqutigisaqarnissat malinnaanissallu pingaaruteqarpoq.

Radiolerineq, teknikki, nittartagalerineq aamma internettikkut inuit attaveqaqatigiiffii atorlugit sulineq misilittagaqarfigigukkit ilikkagaqarfiginissaallu merserinngikkukku tamanna iluaqutigisinnaavat. 

Suliffeqarfipput ineriartorfiuvoq, peqatigiilluni pinngorartitsinermik, pitsaassutsimik suleqatigiilluarnermik ataqatigiinnermillu pingaartitsisoq.

Akissarsiat atorfeqarnermullu tunngasut
Akissarsiat atorfeqarnermilu atugassaritaasut, ilanngullugit atorfininnermi suliunaarnermilu angalanerni pisatallu assartorneqarnerini akiliunneqarluni nuussinnaatitaanernut tunngasut Namminersorlutik Oqartussat Kattuffiullu isumaqatigiinniussisinnaasutut piginnaatitaaffeqartup akornini isumaqatigiissutit naapertorlugit suliarineqassapput. 

Ineqarneq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfimmut atatillugu paasissutissanik ukununnga paasiniaasinnaavutit: aaqqussuisoq Malu Pedersen telefon +299 36 15 95, mail mape@knr.gl  imaluunniit radiop pisortaanut Alice Sørensenimut +299 36 15 67, als@knr.gl-mut.

Qinnuteqaat qulequtserneqassaaq “KNR Radiomi tusagassiortoq” ilanngunneqassappullu ilinniagaqarnermik naammassinnissimanermut uppernarsaatit aamma siornatigut sulisitsisorisimasanit oqaaseqaatit.

Kingusinnerpaamik qinnuteqaateqarfissaq Decemberip 4-at 2020, nalunaaqutaq 12.00, qinnuteqaat nassiunneqassaaq uunga:

Kalaallit Nunaata Radioa

Postboks 1007

3900 Nuuk.

Qinnuteqaatit elektroniskimik aamma nassiussinnaavat unnga: atorfik@knr.gl.