KNR Radio marlunnik (2) tusagassiortussarsiorpoq

Inunnik naapitsinermik oqaluttuaasalu ingerlateqqinnissaannik nuannarisaqaruit taava radiomi tusagassiortutut 1. september 2020 imaluunniit isumaqatigiissuteqarnikkut sulilerfigisinnaasannut qinnuteqariannguarit.

KNR Radiomi aallakaatitassiornitsinni suliavut siammasipput. Nuna tamakkerlugu tusarnaartartut peqatiginissaat pingaartipparput, inuit inuiaqatigiillu atugaasa saqqummersinnissaat, itisiliinissaq, aliikkutassaqartitsinissarlu suliassatta pingaarnerit ilagaat. Flow atorlugu toqqaannartumik aallakaatitsisarpugut aamma aallakaatitassiat takinerusut katitikkat suliarisarpuvut.

Taamaammat kalaallisut oqallorissuunissat nipillu atorlugit aallakaatitassiornermik pikkoriffeqarnissat inuiaqatigiinnilu pisunik soqutigisaqarnissat pingaaruteqarpoq.

Radiolerineq, teknikki, nittartagalerineq aamma internettikkut inuit attaveqaqatigiiffii atorlugit sulineq misilittagaqarfigigukkit merserinagillu iluaqutigisinnaavatit.

Tusagassiortutut ilinniarsimasuunissaq piumasaqaataanngilaq.

Suliffeqarfipput ineriartorfiuvoq, pinngorartitsinermik, pitsaassutsimik, suleqatigiilluarnermik ataqatigiinnermillu pingaartitsisoq.

Akissarsiat atorfeqarnermullu tunngasut

Akissarsiat atorfeqarnermullu tunngasut Namminersorlutik Oqartussat Kattuffiullu isumaqatigiinniussisin-naasutut piginnaatitaaffeqartup akornini isumaqatigiissutit naapertorlugit suliarineqartassapput.

Ineqarneq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqartussaalluni.

Atorfimmut atatillugu paasissutissat sukumiinerusut radiop pisortaanut Alice Sørensenimut, mailikkut als@knr.gl -imut imalluunniit aaqqissuisumut Aminnguaq Dahl Petrussenimut, mailikkut amdp@knr.gl-imut saaffiginninnikkut pissarsiarineqarsinnaapput.

Qinnuteqaat qulequtserneqassaaq ”KNR Radiumi tusagassiortoq” ilanngunneqassappullu ilinniagaqarnermik naammassinnissimanermut uppernarsaatit aamma siornatigut sulisitsisorisimasanit oqaaseqaatit.

Kingusinnerpaamik qinnuteqarfissaq 3. august 2020. Qinnuteqaat nassiunneqassaaq uunga:

Kalaallit Nunaata Radioa

Postbox 1007

3900 Nuuk

Qinnuteqaatittaaq elektroniskimi aamma nassiussinnaavat uunga atorfik@knr.gl