KNR-imut Film-& TV-produktionsteknikerimut ilinniartoq

KNR piaartumik aallartissinnaasumik filmiliornermut tv-liornermullu ilinniartussarsiorpoq. TV-liornermik ilinniartitaanermut tamatigoortumut.

Naatsorsuutigaarput illit makkuninnga piginnaaneqartutit:

  • - GU-mik ilinniartitaanermik naammassinnissimasuusutit
  • - inuussutissarsiornermik ilinniarfimmi ”Medieproduktion”-imi tunngaviusumik ingerlatsinermik ingerlataqartuusutit imaluunniit ingerlataqareersuusutit, imaluunniit ilinniakkamik assingusumik ingerlatsisimanermit qulaani pineqartumut angusanik nuunneqarsinnaasunik angusisimasutit
  • - allattariarsornermi aamma oqalunnermi kalaallisut, danskisut aamma tuluttut attaveqaqatigiilluarsinnaaneq
  • - nutaanik pilersitsisinnaassuseqarluartuuneq aamma isumassarsillaqqissuuneq
  • - piumassuseqarluartuuneq, sulinermut kajumittuuneq aamma sulinissamut tunuarsimaartuunnginneq
  • - nutaanut sungiussiasuuneq
  • - piffissami ulapaarfiusumi uippakajaartannginneq
  • - inuiaqatigiinni pissutsinik soqutiginninneq
  • - kiinnerartuuneq aamma suleqatiginnilluartartuuneq
  • - TV-liornermik, filmiliornermik aamma videoliornermik soqutiginnilluartartuusimaneq
  • - biilinermut nalinginnaasumik allagartaqarneq

Tamatuma saniatigut iluaqutaassaaq tv-liornermik imaluunniit videoliornermik ilisimasaqartuuneq. Kalaallit Nunaata Radioa taamaallaat inunnik tv-liornermik soqutiginnilluartunik tamatuminngalu isiginnaarutitigut oqaluttuanik ingerlatitseqqiisarnermik soqutiginnilluartunik sulisussarsiorpoq.

Ilinniartitaaneq pillugu
Ilinniartitaaneq ukiunik tallimanik sivisussuseqarpoq, praktikernermik aamma atuarnermik ingerlataqarnermik immikkoortinneqartoq. Atuarnermik ingerlataqarneq ataatsimut katillugit sapaatit akunnerinik 50-inik sivisussuseqarpoq. Atuarnermik ingerlataqarnerit Amagerimi KTS-imi imaluunniit Viborgimi Medieskolerne ingerlatissavat, praktikernerilli Kalaallit Nunaata Radioani Nuummi ingerlatissallugu. Ilinniartitaanerup immikkoortui sisamat pingaarnerit tassaapput assiliissut, qulliit, nipi aamma katiterineq.

Neqeroorutigaavut
Sulilluni sungiusarfissaq immikkut ittoq pissanganartorlu. Anguniarparput ilinniartuutitta ilinniarnerminnik ingerlatsinerminni pitsaanerpaamik atugaqarnissaat uagullu aaqqissuisoqarfitsinni assigiinngitsunik suliassanik sapinngisamik amerlanerpaanik suliaqartarnissaat.

KNR-ip inuiaqatigiinni susoqarneranik takutitsisarnissaq kissaatigaa. Taamaattumik arnat angutillu qanorluunniit ukioqaraluarpata, upperisaqaraluarpata, innarluuteqaraluarpata, oqaaseqartuugaluarpata aamma inuiattut suminngaannit tunuliaqutaraluarpata qinnuteqaateqaqqullugit.

Ilinniartitaaneq pillugu annertunerusumik paasisaqarusukkuit tv-mi pisortaq Kim Larsen e-mailianut kila@knr.gl -mut attaveqarfigisinnaavat imaluunniit sulisoqarnermut siunnersorti René Andersen e-mailia ran@knr.gl

Qinnuteqaateqarnissamut piffissaq kingullerpaaq tassaavoq marsip 31-ani qinnuteqaallu uunga nassiunneqassalluni atorfik@knr.gl. Oqaloqatiginninnissat tamatuma kingunitsiannguani pinissaat naatsorsuutigineqassaaq.