Aalisakkanik suppaliaq, Savaaqqap quttoraa, Trifli

 

Aalisakkanik suppaliaq

Atortussat:

Aalisakkat: Saarullik, qeeraq, suluppaagaq, kapisilik (pinngitsoorneqarsinnaavoq) niaqui masiikkat ilanngullugit tamarmik immikkut ½ kg. miss., kinguppaat qalipaajakkat  ½ kg.

 

Naatitat qalatassat: uanitsoq mikisoq 1, porre 1, guloruujut 3, naatsiat mikivallaanngitsut 2, citron imalt. lime ½ kitsigaq, eertaasat (linser) 1 – 2 alussaatit, tomaati kinertoq (tomatpulp/purée).

 

Qalareerpat naatitat ikisassat: tomaatit nutaat 3, citron imalt. lime aggugaq, spinat ammalortuaqqat qerisut 2, peberfrugt aappalaartoq aggugaq igalaaminermik puulik, immuaraq 1/5 l, uulia (oliven imalt. raps).

 

Suliarinissaa:

aalisakkat saarngi niaquilu imermut taratsikkamut qalaartinneqassapput minnerpaamik nal.ak. ¾ (sivisuneruppat imeq ilallattaaginnarlugu),

 

Aalisakkat qaqinneqassapput nerpiiarneqarlutillu.  

Qajumut guloruujut naatsiiallu kipparissuaranngorlugit aggukkat, eertaasallu

ikineqassapput qalaaqataallutillu 20 min. miss.,

qaqinneqassapput naatitallu aserorterummik (blenderimik) aserorteqqissaarlugit kinertunngorlugit.

 

1. uanitsoq porrelu mikisunnguanngorlugit aggorneqassapput igamilu punnermut uuliamik akusamut siallugit,

2. aalisakkat qajuat akulerunneqassaaq

3. tomaati kinertoq (tomatpulp/purée) akulerunneqassaaq,

4. peberfrugt aappalaartoq aggugaq igalaaminermik puulik ikineqassaaq,

5. citron imalt. lime saattunngorlugu aggugaq akulerunneqassaaq,

6. spinati ammalortuaqqat qerisut 2 qerititsivimmit qaqinneqassapput,

7. naatitat aserortikkat akulerunneqassapput,

8. aalisakkat nerpii mianersortumik akulerunneqassapput,

9. aalisakkat qallaserpata spinatit akulerunneqassapput,

10. tomaatit mikisunngorlugit aggukkat akulerunneqassapput,

11. kinguppaat akulerunneqassapput,

12. immuup qalipaa 1/5 l. akulerunneqassaaq,

13. alussaammut uulia (oliven imalt. raps) akulerunneqassaaq.

 

Sassaalliutigineqarnissaminut piareerpoq, iffiaq-qaqortumik assigisaanilluunniit illulerlugu.

 

Savaaqqap quttoraa Provencemiutoorlugu.

(Provence, Frankrigip kujataani nunap immikkoortoraa)

 

Atortussat:

Savaaqqap quttoraa 1,

naatsiiat 1 ½ kg miss.

uanitsoq angisooq 1,

Ussiup neqaata qajua (oksebouillon) 1 l. miss.

taratsut, qasilitsut, herbes de provence, timian panertut, basilikum panertut,

punnimineq, oliven-uulia ,

rabaabat imalt. kigutaarnat tungusunnitsuliat.

 

Suliarinissaa:

 

1. Ussiup neqaata qajua piareersarneqassaaq (bouillon kipparissuaqqat marluk imermut qalattumut 1 l.-imut arrortillugit).
2. Naatsiiat qalipaajariarlugit saattunngorlugit kitserneqassapput, iffiorfimmullu siatsivissuarmut punnermik tanitamut imalt. iffiornermi pappiaqqamut qallikkamut ikineqassapput napparlugit imminnut attuumasunngorlugit.
3. Uanitsoq aggorneqassaq naatsiiallu akorninut nakkalatserneqarluni.
4. Savaaqqap quttoraa taratsunik, qasilitsunik, herbes de provencenik, timianninik, basilikuminillu nakkalatseriffigineqassaaq, punnermik uuliamillu tanillugu naatsiiaallu qaavinut ilineqarluni.
5. Ussiup neqaata qajua naatsiianut kuineqassaq.
6. Iffiorfimmut ikineqassaaq 230 gradinik kiatsigisumut iluarsisamut, minutsit 15 miss.  qaangiuppat iffiorfik sakkukillineqassaaq 75 gradinut, taava nal.ak.  5 – 8 siarusaassaaq.

(Piffissakinnerugaanni aallaqqaataaniit minutsit 15 kingorna kiassusaa 175 gradinut apparaani nal.ak. 1 miss. qaangiuppat qalassaaq.)

 

Sassaalliutigileraanni kalaallit tupaarnai nakkaterneqassapput.

Rabaabat kigutaarnalluunniit tungusunnitsuliat aamma ilanngunneqarsinnaapput.

 

KUANNIUSANIK (RABAABANIK) TRIFLI SUKKULAAMIK QAQORTUMIK KINERTULERLUGU MAKRONINUT QALLIUSSAQ

Kuanniusat (rabaabat) jordbærilerlugit imaluunniit paarnanik allanik akullugit sukkulaammik qaqortumik kinertuliartalinnut akussat.

Atugassat:

Jordbærit 500 g miss., qerisuusinnaalluarput

makronit 18 miss.

Immiartorfiit nalinginnaasut, imaluunniit kinguleqqiutitorfiit 6

 

KUANNIUSAT (RABAABAT) QALATAT

Kusanniusat  800 g

Vaniljestang imalt.  vaniljesukker

Sioraasat kajortut imalt. nalinginnaat 200 g

 

SUKKULAAMMIK QAQORTUMIK KINERTULIAQ

Sukkulaat qaqortoq 100 g

Immuup qalipaa 2 ½ dl

 

Imaaliussaatit: kuanniusat /rabaabat qalatat jordbærilerlugit makronilerlugit sukkulaammillu qaqortulerlugit suliarissavatit

1.Kuanniusat qalatat. Kuanniusat saleriarlugit 5 cm. miss. takissusilerlugit equngasumik kitsikkit. Igamut sioraasanik vaniljemillu akullugit qalakkit. Aamma vaniljestang quperiarlugu iluani inerittussai peeriarlugit sioraasanut akulerussinnaavatit. Min. 30 miss. qalakkit. Taava kuanniusat nillorsikkit. Jordbærit aggukkit, arlalinnguilli pinnersaatissatut ilivitsuutillugit immikkoortikkit. Jordbærit aggukkat kuanniusanut qalatanut akuliutikkit.

2. Sukkulaammik qaqortumik kinertuliaq. Sukkulaat aggoruk niaquusamullu (skålimut) ikillugu. Immuup qalipaa 1 dl qalaguk, qallaserpallu sukkulaammut aggukkamut kuillugu. Taava aalaterneqassaaq sukkulaat arrorserlugu. Kinertussaq nillataartitsivimmiitinneqassaaq nal.ak. 2-3. Immuup qalipaata sinnera 1 ½ dl aalateruk issortingajallugu, mianersortumillu kinertussamut nillorsimasumut akulerullugu.

3. Makronit – sassaalliutiginissaalu. Makronit aserulaakkit …taavalu trifli katiterneqarnissaminut piareerpoq. Immiartorfinnut imaluunniit kinguleqqiutitorfinnut piareersarneqassapput. Siullermik makronit aserulaakkat kuanniusat isserinik immaqalu imigassamik kuisiffigilaarlugit naqqannut ikineqassapput, taava kinertuliaq, kuanniusat, aallaqqaataaniillu makronit il.il. ulikkaangajannisssaat tikillugu. Sassaalliutiginngilaarnerini qaavatigut makroninik aserulaakkanik, jordbærinik sukkulaatiminermillu qaqortumik pinnersaasikkit.