Inersimasunut juulli

Naalaartartut inersimasuusut juullimi ammartagaq nutaaq Stephen Heilmannimit suliarineqartoq tusarnaarsinnaavaat, tassani oqaluttuarisaanitsinni kingumut qiviarnerulluni, kristumiussutsip Nunatsinni inoqarfinnut tamanut qanoq siaruariartorsimanera sammineqarluni.

Immikkoortuni 24-usuni oqaluttuarineqassapput kristumiussutsip aamma kujataani avannaanilu niuernerup akornanni qanoq ataqatigiittoqarneranik oqaluttuat, Thulep eqqaani 1909-mi siullerpaamik juullisiortoqarneranik oqaluttuaq pillugu, Rasmus Berthelsenip taalliaa ”Guuterput” pillugu oqaluttuaq, aamma sooq Hans Egedep tikinneraniit ukiut pingasut missiliorlugit qaangiuttullu kalaaleq siulleq aatsaat kuisinnersoq.

Kristumiussutsip nunatsinni inoqarfinnut tamanut siaruariartorsimanera oqaluttuarineqarpoq.

Aaqqissuisoq: Stephen Heilmann